Sparmentu den forma di akshon

Akshon ta e suma di plaka ku kua un sosio ta partisipá den kapital di su kooperativa. Tur miembro mester partisipá ku por lo ménos un akshon di Fl. 100,00.

Kier men ku tur ora un sosio spar riba akshon, e ta oumentá su partisipashon den kapital di su kooperativa i asina e ta yuda oumentá kapital di trabou di KOBATA. E kapital aki ta e fondonan ku KOBATA tin na su disposishon pa fia na miembronan, segun nan nesesidat. Pa tal motibu KOBATA no ke promové retiro di fondo aki.

Mas akshon un sosio tin den KOBATA, mas dividendo bo ta haña na fin di aña, loke hasta por reusltá mas haltu ku intrese ku bo por haña na banko. Alabes bo por fia mas tantu si bo akshon ta haltu, dependiendo di bo kapasidat finansiero.